Is eispéireas tairbheach agus suimiúil iad scrúdúchán agus modhnóireacht ar féidir iad a dhéanamh in éineacht le do ról reatha. Tá achoimre thíos ar réimse de thairbhí eile:
Do chuid eolais ar an ábhar a fheabhsú
Agus tú i do Scrúdaitheoir nó i do Mhodhnóir, gheobhaidh tú léargas thar a bheith luachmhar ar an phróiseas measúnuithe ag WJEC. Beidh an deis agat do thacar scileanna a fheabhsú agus do thuiscint ar d’ábhar a mhéadú, rudaí uilig a chuirfidh bonn eolais faoi do chuid teagaisc.
Dul chun cinn gairmiúil
Nuair a bhíonn taithí agat mar Scrúdaitheoir nó mar Mhodhnóir, bíonn deiseanna ar fáil le dul chun cinn go dtí ról sinsearach amhail Ceann Foirne nó Príomhscrúdaitheoir / Príomhmhodhnóir. Baineann róil níos sinsearaí le bheith ag obair ag croílár d’ábhair agus ag tabhairt faoi thascanna ar nós scrúdpháipéir agus scéimeanna marcála a scríobh, ag obair mar chuid de shainfhoireann le sonraíochtaí nua a fhorbairt nó ag bainistiú foireann de speisialtóirí ábhair.
Líonrú le múinteoirí agus gairmithe eile a bhfuil taithí acu
Cuir le do theagmhálaithe tríd an phróiseas measúnaithe trí líonrú le múinteoirí eile a chuireann an tsonraíocht chéanna ar fáil. Baineann an próiseas scrúdúcháin agus modhnóireachta le plé idirghníomhach agus le roinnt an dea-chleachtais, rud a bheidh ina bhuntáiste duit.
Oiliúint agus tacaíocht chuimsitheach a fháil
Cuireann muid oiliúint, treoir agus tacaíocht den scoth ar fáil tríd an phróiseas measúnaithe le cinntiú go bhfuil tú muiníneach leis an obair a dhéanfaidh tú. Tá ár líonra fairsing tacaíochta in áit sa dóigh is gur féidir leat teagmháil a dhéanamh le do Cheann Foirne nó le do Phríomhscrúdaitheoir tiomnaithe agus le foireann Ceapaithe WJEC de réir mar a oibríonn tú tríd na scripteanna atá leithdháilte duit.
Obair sholúbtha
Cé go mbíonn obair scrúdúcháin agus modhnóireachta iontach sásúil agus spéisiúil, tá an ról solúbtha mar is féidir marcáil a chomhlánú ón bhaile agus taobh le do ról teagaisc reatha sa ghearrthréimhse.
D’ioncam a mhéadú
Cuireann muid pacáiste pá iomaíoch ar fáil dár Scrúdaitheoirí agus Modhnóirí don obair a dhéantar agus clúdaíonn muid fosta costais taistil ar bith le freastal ar chruinnithe más gá. Nuair is cuí, is féidir lóistín a bheith clúdaithe chomh maith. Baineann téarmaí agus coinníollacha leis seo.
Le bheith i do Scrúdaitheoir nó i do Mhodhnóir, beidh ort na critéir a bhfuil breac-chuntas tugtha orthu thíos a chomhlíonadh:
- bheith i do mhúinteoir nó i do léachtóir reatha nó ar scor le taithí teagaisc agus measúnaithe san ábhar agus ag an leibhéal ar a bhfuil tú ag cur isteach cáilíochtaí acadúla cuí san ábhar a bheith agat, amhail céim agus cáilíocht teagaisc
- sonraí a chur ar fáil de mholtóirí a bhféadfadh muid dul i dteagmháil leo. Ba cheart, más féidir, gurb iad do phríomhoide nó do cheann roinne reatha nó is deireanaí na moltóirí
- i gcás marcála, le bheith ar fáil ar feadh tréimhse 3 seachtaine go neasach le tabhairt faoi dhianmharcáil scripteanna i mBealtaine-Iúil; i gcás modhnóireachta le bheith ar fáil do thréimhse 3-6 seachtaine go neasach idir Márta agus Iúil
- oiliúint éigeantach Scrúdaitheora/Modhnóra a dhéanamh do ríomhaire pearsanta (PC) Windows nó ríomhaire glúine a bheith agat le Windows 8 nó níos úrnua ann (d’fhéadfadh órais eile a bheith á dtacú, fiafraigh, le do thoil)
- rochtain slán leathanbhanda a bheith agat
- D’fhéadfadh roinnt critéar a bheith difriúil ag brath ar an cháilíocht. Déan tagairt, le do thoil, don tsainchuntas poist faoi choinne riachtanais shainiúla.
- Sula gcuireann tú iarratas isteach, bí eolach, le do thoil, ar na Ceisteanna Coitianta.
Cuireann muid oiliúint agus tacaíocht chuimsitheach ar fáil do Scrúdaitheoirí agus do Mhodhnóirí ón chéad lá den cheapachán go dtí an lá a eisítear torthaí.
I measc ár bpacáistí tacaíochta tá:
- treoir réamhléiritheach do Scrúdaitheoirí agus do Mhodhnóirí nua – cuimsíonn seo eolas ar an ócáid oiliúna, ar mharcáil scripteanna agus ar lóistíocht ár gcomhdháil oiliúna crúdaitheora / Modhnóra bhliantúil a bhaineann go sonrach le do cháilíocht
- ábhair oiliúna shaincheaptha bhreise
- seoltar scrúdpháipéir agus scéimeanna marcála mionsonraithe chugat go díreach i ndiaidh an scrúdaithe sa dóigh agus gur féidir leat a bheith eolach go hiomlán ar an inneachar roimh an oiliúint. Má bhíonn ceisteanna nó deacrachtaí ar bith agat, moltar duit iad seo a phlé ag an ócáid oiliúna.
- paca stáiseanóireachta ar a n-áirítear lipéid, leabhrán treoracha agus ábhair bhreise
- Ceann Foirne agus/nó Príomhscrúdaitheoir/Príomh-Mhodhnóir ainmnithe a dhéanfaidh tú a threorú tríd an phróiseas
- tacaíocht trí theileafón agus ríomhphost lenár bhfoireann ceapaithe a bhfuil taithí acu agus le do Cheann Foirne agus/nó do Phríomhscrúdaitheoir/Phríomh-Modhnóir ainmnithe
- treoir ar an dóigh lenár gcórais a úsáid
Níl rud ar bith níos fusa ná bheith i do Scrúdaitheoir nó i do Mhodhnóir. Níl le déanamh ach na céimeanna thíos a leanúint:
1. Cuir iarratas isteach ar líne
Ba chóir iarratas ar bith a dhéanamh ar líne le bheith i do Scrúdaitheoir nó i do Mhodhnóir ach dul trí shuíomh na gceapaithe. Le clárú, níl le déanamh ach cuntas a chruthú trí d’ainm iomlán agus do sheoladh ríomhphoist a sholáthar agus pasfhocal agus ceist slándála a roghnú. Beidh tú in ann ansin leanúint le d’iarratas iomlán a chur isteach.
Tá sonraí na moltóirí de dhíth nuair atá an t-iarratas á chur isteach, mar sin, déan cinnte go bhfuil an t-eolas uilig atá de dhíth agat agus tús á chur leis an phróiseas.
Tabhair faoi deara, le do thoil, go gcuirfear fáilte roimh iarratais, fiú mura bhfuil folúntais ann ag an am áirithe sin. Déanfar d’iarratas a logáil agus déanfar tagairt dó má tá folúntas ann san am ina dhiaidh sin.
2. Teistiméireachtaí a Chur ar Fáil
Agus é curtha isteach, beidh stádas d’iarratais ar líne le feiceáil mar “awaiting reference” ar an tsuíomh go dtí go bhfuil do theistiméireacht comhlánaithe ag do mholtóir ar an chóras.
3. Fan le Faomhadh
Nuair atá teistiméireacht fhóirsteanach faighte againn, athróidh stádas d’iarratais ar líne ó "awaiting reference" to "awaiting assessment". Beidh an t-am a ghlacann sé leis an stádas a athrú ag brath ar an am a ghlacann sé leis an teistiméireacht a fháil. Ansin, déanfaidh muid athbhreithniú iomlán ar d’iarratas agus, má éiríonn leat, cuirfear do chuid sonraí ar ár liosta taca faofa.
Iarratais Rathúla
Má tá d’iarratas rathúil agus má tá folúntas fóirsteanach ar fáil, cuirfidh muid ríomhphost chugat leis an phost a thairiscint duit go foirmiúil don bhliain acadúil atá le teacht.
Má ghlacann tú leis an phost, tabharfar cuireadh duit chuig ócáid oiliúna mar a gcuirfear ábhair bhreise oiliúna ar fáil.
Mura nglacann tú leis an phost, fanfaidh d’iarratas ar ár liosta taca faofa agus d'fhéadfaí go ndéanfaí teagmháil leat don bhliain acadúil dár gcionn dá mbeadh folúntas ann. Más mian leat nach ndéanfar teagmháil leat i dtaca le folúntais amach anseo, cuir ríomhphost, le do thoil, chuig application.support@wjec.co.uk agus bainfear do chuid sonraí ón liosta.
Amharc ar na Ceisteanna Coitianta le tuilleadh eolais a fháil.
