e-Gyflwyno

Cwestiynau Cyffredin

1. Sut ydw i'n cael manylion mewngofnodi i Surpass?

• Os chi yw swyddog arholiadau'r ganolfan, edrychwch i weld a ydych chi wedi cael neges e-bost gan noreply@surpass.com. Yn y neges e-bost mae cyswllt i chi ei glicio er mwyn gorffen gosod eich cyfrif.
• Os na allwch chi ddod o hyd i neges, anfonwch e-bost gyda'ch enw a manylion eich canolfan at e-asesu@cbac.co.uk. Bydd y tîm yn fwy na pharod i helpu.
  
  

2. Rwyf wedi anghofio fy nghyfrinair / mae fy nghyswllt ailosod cyfrinair wedi dod i ben ar gyfer Surpass

• I ailosod eich cyfrinair, ewch i https://wjec.surpass.com a chliciwch ar y cyswllt 'Ddim yn gallu cael mynediad at eich cyfrif?'. Dilynwch y canllawiau ar-sgrin.

Os nad ydych chi'n gallu mewngofnodi o hyd, anfonwch e-bost gyda'ch enw a manylion eich canolfan at e-asesu@cbac.co.uk. Bydd y tîm yn fwy na pharod i helpu.

3. Dydy fy nghodau allwedd ddim yn Surpass?

• Os yw eich ymholiad yn ymwneud ag asesu mewnol, gwnewch yn siŵr bod y marciau wedi'u cyflwyno drwy ein System Mewnbynnu Marciau Asesiad Mewnol (IAMIS) ar Porth a'ch bod chi wedi aros dau ddiwrnod gwaith.
  
  

Ar ôl dau ddiwrnod gwaith ar ôl cyflwyno'r marciau, neu i gael codau allwedd ar gyfer asesiad allanol, anfonwch e-bost gyda'ch enw a manylion eich canolfan, a disgrifiad o'r broblem rydych chi'n ei chael at e-asesu@cbac.co.uk. Bydd y tîm yn fwy na pharod i helpu.

4. Cefais wall yn fy uwchlwythiad cychwynnol neu roedd angen cod allwedd newydd arnaf

Os oes angen i chi ofyn am god allwedd newydd (oherwydd gwallau neu hepgoriadau wrth uwchlwytho am y tro cyntaf), llenwch y ffurflen Microsoft Form hon. Bydd codau'n cael eu creu o fewn 48 awr. Byddan nhw ar gael ar Surpass i ddeiliad cyfrif Surpass eich canolfan gael mynediad atyn nhw. Eich Swyddog Arholiadau fydd yr unigolyn hwn fel arfer.

5. Rwy'n cael neges gwall Cod Allwedd Annilys yn Surpass

• Gwnewch yn siŵr bod 'R' mewn cylch coch ar gyfer y cod allwedd yn y golofn 'Cyflwr' yn Surpass, nid tic gwyrdd neu groes goch:
  
  

• Ydych chi'n teipio'r cod allwedd yn y lle cywir? Gwnewch yn siŵr eich bod yn defnyddio https://wjec.surpass.com/secureassess/htmldelivery
  
  
• Gwnewch yn siŵr eich bod yn rhoi'r cod allwedd i mewn yn gywir, h.y. yn y fformat cywir, heb gopïo a gludo bylchau yn y cod allwedd.
  
  

Os ydych chi'n dal i gael anawsterau, anfonwch e-bost gyda'ch enw a manylion eich canolfan, a disgrifiad o'r broblem rydych chi'n ei chael at e-asesu@cbac.co.uk. Bydd y tîm yn fwy na pharod i helpu.

6. Sut ydw i'n argraffu rhestr o godau allwedd?

• Ar ôl mewngofnodi i'ch cyfrif Surpass, ewch i 'Gweinyddu Profion' ac yna 'Goruchwylio'
  
  

• Defnyddiwch hidlyddion priodol i ddarganfod ymgeiswyr perthnasol
• Ticiwch yr ymgeiswyr sydd eu hangen (drwy ddefnyddio'r bysellau 'Shift' neu 'Ctrl')
• Cliciwch ar 'Argraffu Pecyn Goruchwylio’
• Dewiswch 'Cofrestr Presenoldeb'
• Cliciwch ar 'Gorffen’
  
  

Ar ôl i'r ddogfen lwytho, de-gliciwch i 'Argraffu' neu 'Cadw'

7. Mae fy ffeiliau yn rhy fawr / ddim yn cyfateb i'r mathau o ffeiliau a dderbynnir

• Cyfeiriwch at ein Canllaw i Ganolfannau, tudalennau 18-23: Awgrymiadau ar gyfer ffeiliau llai
• Mae mathau o ffeiliau ar gyfer pob pwnc wedi'u rhestru yn y Canllaw Pynciau.
  
  
• Bydd angen i chi drawsnewid eich ffeiliau yn fath o ffeil derbyniol er mwyn eu huwchlwytho'n llwyddiannus.
  
  
  • Ar gyfer ffeiliau sain, awgrymwn eich bod yn defnyddio Audacity https://www.audacityteam.org/
  • Ar gyfer fideos, awgrymwn eich bod yn defnyddio Handbrake https://handbrake.fr
  • Ar gyfer dogfennau, rhowch gynnig ar eu cadw fel PDFs

8. Mae gen i ormod o ffeiliau i'w huwchlwytho i Surpass

Ydych chi wedi rhoi cynnig ar gadw eich ffeiliau mewn ffolder zip? Gallwch chi uwchlwytho ffolderi zip ar gyfer pob pwnc, hyd yn oed os nad yw'n dweud hynny ar y sgrin uwchlwytho. 

9. Pwy ddylai uwchlwytho'r gwaith i Surpass?

• Bydd yr enw defnyddiwr a'r cyfrinair ar gyfer pob canolfan yn cael eu rhannu â'r Swyddog Arholiadau.
• Gall y Swyddog Arholiadau roi'r manylion hyn i unrhyw unigolyn priodol yn y ganolfan, a/neu gall roi codau allwedd i unrhyw aelod o staff sy'n uwchlwytho'r gwaith.

10.  Roedd yr ymgeisydd yn absennol / mae'r ymgeisydd wedi'i dynnu'n ôl yn Surpass. A oes rhaid i mi ddefnyddio'r cod allwedd?

Dewch o hyd i god allwedd yr ymgeisydd yn y tab 'Goruchwylio' a chliciwch ar y botwm 'annilysu' ar waelod y sgrin. Yna gallwch chi roi rheswm priodol pan fydd yn gofyn i chi wneud hynny.  

Surpass - Dolenni Defnyddiol

Gewfannau Surpass

Swyddogion Arholiadau - System Surpass (i gyrchu codau allwedd)

Athrawon - Porth Lanlwytho i fyny Surpass (i lanlwytho gwaith i fyny)

Canllawiau hanfodol ynghylch y broses e-Gyflwyno (Surpass) a gofynion pynciau

> Y Broses E-Gyflwyno (Surpass) - Canllaw Canolfannau

> Y Broses E-Gyflwyno (Surpass) - Canllaw Pynciau

Adnoddau e-Gyflwyno (Surpass) i gefnogi canolfannau

> Rhestr Wirio Asesu Mewnol

> Rhestr Wirio Asesu Allanol

Cwestiynau Cyffredin

1. Ble ydw i'n mynd i uwchlwytho gwaith ar IAMIS?

Ewch i'r sgrin lle rydych chi'n mewnbynnu canlyniadau ymgeiswyr ar gyfer pob cofrestriad uned/cydran (Porth > Pob gwasanaeth > Arholiadau ac Asesiadau > Asesiadau Mewnol/Canlyniadau Marciau).

Ar y sgrin fewnbynnu, lle mae marciau ymgeiswyr wedi'u cyflwyno a samplau wedi'u cynhyrchu, ewch i'r golofn ar y dde gyda'r teitl 'uwchlwytho', bydd yr eicon cwmwl yn ymddangos, rhaid i ganolfannau glicio ar y botwm ac uwchlwytho gwaith ar gyfer pob ymgeisydd sampl.

2. Sut y dylid trefnu ffeiliau i'w huwchlwytho?

Er mwyn sicrhau y gellir uwchlwytho gwaith yn llwyddiannus, rhaid i ganolfannau sicrhau bod ffeiliau'n cael eu paratoi yn y modd cywir (fel y nodir yn y E-Gyflwyno (uwchlwytho ar IAMIS) - Canllaw Pynciau ewch i'r tudalennau cynnwys a chliciwch ar eich pwnc dynodedig) cyn uwchlwytho:

Gall pob pwnc fod â gofynion pwnc-benodol sy'n cynnwys:

• Mathau o ffeiliau sy’n cael eu derbyn:
• Nifer y ffeiliau sy'n cael eu derbyn
• Uchafswm maint y ffeiliau i'w huwchlwytho

3. Rydym wedi cwblhau gwaith copi caled fel tystiolaeth – sut ydyn ni'n uwchlwytho?

Dylai canolfannau gynllunio ymlaen llaw a storio gwaith yn electronig lle bo hynny'n bosibl.  Os yw gwaith copi caled wedi'i gwblhau yna dylid neilltuo amser i sganio'r holl waith copi caled cyn mewnbynnu a chyflwyno canlyniadau ar IAMIS.  Ni ddylai canolfannau aros i samplau gael eu cynhyrchu ac yna sganio gwaith. Dylai'r holl waith fod ar gael yn rhwydd i'w uwchlwytho os gwneir ceisiadau i uwchlwytho samplau pellach.

Rhaid i ganolfannau sicrhau wrth sganio tystiolaeth fod pob tudalen o waith, taflenni dilysu ymgeiswyr a/neu daflenni clawr yn cael eu sganio mewn trefn gronolegol ac nad ydynt yn cael eu sganio wyneb i waered.

4. A ddylai mathau penodol o ffeiliau gael eu huwchlwytho?

Er y gall uwchlwytho dros IAMIS dderbyn unrhyw fath o ffeil a maint ffeil, gall canllawiau o bwnc i bwnc fod yn wahanol oherwydd y math o dystiolaeth a gwaith sydd ei angen ar gyfer cymedroli.  Rhaid i ganolfannau gyfeirio at yr E-Gyflwyno (uwchlwytho ar IAMIS) - Canllaw Pynciau ar gyfer gwybodaeth am fathau o ffeiliau disgwyliedig fesul pwnc.

5. A oes uchafswm maint y ffeil?

Nac oes – fodd bynnag bydd yn cymryd mwy o amser i uwchlwytho ffeiliau mwy. 

Bydd ffeiliau mawr yn cymryd amser i uwchlwytho. Uwchlwythwch un ffeil ar y tro a pheidiwch â symud i ffwrdd o'r dudalen hon tan y byddwch chi'n gallu gweld enw'r ffeil ar y sgrin. Rydym yn argymell y dylai'r ffeiliau sy'n cael eu huwchlwytho fod yn llai na 600MB mewn maint.

6. Sut y dylid enwi ffeiliau?

Gall canolfannau gyfeirio at yr E-Gyflwyno (uwchlwytho ar IAMIS) - Canllaw Pynciau ewch i'r tudalennau cynnwys a chliciwch ar eich pwnc dynodedig - ar gyfer unrhyw ganllawiau penodol ar enw confensiwn fesul pwnc.

Rhaid i ganolfannau sicrhau bod ffeiliau’n cael eu cadw gyda fformat enwi sy’n nodi’n glir rhif y ganolfan, rhif/enw’r ymgeisydd.

Sylwer, peidiwch â defnyddio unrhyw ‘nodau arbennig’ wrth gadw gwaith.

7. Nid yw'r ffeil yn atodi nac yn uwchlwytho pan rwy'n clicio ar yr eicon cwmwl – sut ydw i’n gallu uwchlwytho'r ffeil?

Agorwch y ffeil, Dewisiadau Cadw a chadwch fel ffeil newydd gydag enw gwahanol a'i huwchlwytho

Neu

rhowch y ffeil mewn ffolder sip a'i huwchlwytho

Dylai hyn ailysgrifennu priodoleddau'r ffeil yn rhywbeth sy'n gytûn ac yn caniatáu uwchlwytho

8. Nid yw fy ffeil delwedd yn uwchlwytho – beth y dylwn ei wneud?

Yn hytrach na uwchlwytho ffeiliau delwedd unigol, ychwanegwch ddelweddau at ddogfen Word, ac yna defnyddiwch Word i gywasgu'r delweddau.

Bydd ffeiliau mawr yn cymryd amser i uwchlwytho. Uwchlwythwch un ffeil ar y tro a pheidiwch â symud i ffwrdd o’r dudalen hon tan y byddwch chi’n gallu gweld enw’r ffeil ar y sgrin. Rydym yn argymell y dylai’r ffeiliau sy’n cael eu huwchlwytho fod yn llai na 600MB mewn maint.

9. Dwi ddim yn gallu cael ffeil sain / fideo i uwchlwytho – beth y dylwn i ei wneud?

Gall y ffeiliau hyn gymryd mwy o amser i'w huwchlwytho fesul ymgeisydd yn dibynnu ar faint y ffeil, sicrhewch fod y bar cynnydd yn llwytho ac arhoswch nes ei fod yn cyrraedd 100% cyn llywio i ffwrdd o'r sgrin.

Bydd ffeiliau mawr yn cymryd amser i uwchlwytho. Uwchlwythwch un ffeil ar y tro a pheidiwch â symud i ffwrdd o'r dudalen hon tan y byddwch chi'n gallu gweld enw'r ffeil ar y sgrin. Rydym yn argymell y dylai'r ffeiliau sy'n cael eu huwchlwytho fod yn llai na 600MB mewn maint.

D.S. Os ydych yn newid maint ffeiliau fideo ac yn eu cywasgu fel y gellir eu huwchlwytho’n gyflymach, cofiwch mai at ddibenion cymedroli yn unig fydd tystiolaeth fideo, felly mae ansawdd is na’r gwreiddiol yn dderbyniol.

10. Sut ydw i'n dileu ffeil yr wyf wedi'i huwchlwytho'n anghywir?

Gall canolfannau ddileu ffeiliau eu hunain ar ôl cyflwyno marciau ac uwchlwytho samplau hyd at y terfyn amser cyflwyno

Mae X ar ochr dde’r ffeil sydd wedi’i huwchlwytho a gall y ganolfan glicio ar hwn i gael gwared ar y ffeil.

11. Rwyf wedi uwchlwytho ffeil yn anghywir a methu ei dileu oherwydd bod y terfyn amser wedi mynd heibio – beth y dylwn i ei wneud?

Unwaith y bydd y terfyn amser ar gyfer cyflwyno canlyniadau a samplau wedi mynd heibio, ni fyddwch yn gallu dileu ffeiliau sydd wedi'u huwchlwytho yn anghywir.

Os oes gennych garfan gyfan o ffeiliau sydd wedi'u huwchlwytho'n anghywir (h.y. ffeiliau sydd wedi'u huwchlwytho yn erbyn y pwnc neu'r uned anghywir ar gyfer pob ymgeisydd) anfonwch e-bost at yr tîm cyfresi arholiadau perthnasol i wneud cais i ddileu ffeiliau. Mae'n rhaid i'r cais nodi'r canlynol yn glir:

• Rhif y ganolfan
• Rhif/cod uned/cymhwyster
• Rhestru enwau pob ffeil sydd angen ei dileu

Os oes gan y ganolfan nifer bach o ffeiliau sydd wedi'u huwchlwytho'n anghywir ni ellir dileu'r rhain. Yn hytrach, rhaid i chi barhau i sgrin IAMIS ac uwchlwytho ffeil ychwanegol i'r ymgeisydd hwnnw ac enwi'r ffeil yn glir fel (FERSIWN NEWYDD/CYWIR).

12. Mae fy nghymedrolwr wedi gofyn i mi uwchlwytho sampl ychwanegol a phan fydda i’n llywio i'r sgrin i uwchlwytho samplau o waith, mae'r botwm uwchlwytho wedi diflannu – sut ydw i'n uwchlwytho?

Bydd y botwm uwchlwytho wedi diflannu os yw'r terfyn amser cyflwyno wedi mynd heibio ac 8 wythnos wedi mynd heibio ers y dyddiad cyflwyno.

Mae angen i CBAC ail-actifadu'r botwm uwchlwytho.  Anfonwch e-bost at y tîm cyfresi arholiadau perthnasol i ofyn am ddileu ffeil. Mae'n rhaid i'r cais nodi'r canlynol yn glir:

• Rhif y ganolfan
• Rhif/cod uned/cymhwyster

13. Mae cymedrolwr wedi cysylltu â mi i ofyn am ail sampl ond ni allaf weld pa ymgeiswyr yr hoffent i ni eu huwchlwytho – beth y dylwn i ei wneud?

Dylai'r cymedrolwr fod wedi nodi'r ail sampl yn glir ar y sgriniau IAMIS, felly, pan fyddwch yn llywio'n ôl i sgrin yr uned/cydran dylech weld yr ymgeiswyr eraill wedi'u nodi â blwch ticio o dan y golofn 'samplau'.

Os nad yw cymedrolwr wedi nodi'r ail sampl ar y sgrin IAMIS eto, bydd y sgrin mewnbynnu yn llywio'n awtomatig i'r golwg 'samplau' yn unig, sy'n dangos y sampl gwreiddiol.

Rhaid i ganolfannau gysylltu â thîm pwnc CBAC er mwyn iddynt atgoffa'r cymedrolwr i ddewis samplau ychwanegol ar y system.

14. Ni all ein canolfan uwchlwytho'r holl waith, hoffem anfon copïau caled, allwch chi gadarnhau lle gallwn anfon gwaith copi caled?

Os bydd canolfan yn profi anawsterau technegol sy'n golygu nad oes modd iddi E-Gyflwyno gwaith drwy uwchlwytho ar IAMIS yna gall anfon e-bost at y tîm Cyfresi Arholiadau o ran y cymhwyster / uned / cydran benodol hwnnw i ofyn am gael optio allan o'r broses.

Os oes modd rhoi mwy o gymorth ac arweiniad i ganolfan fel y gall ddefnyddio'r dull E-Gyflwyno, yna bydd y timau wrth law i roi arweiniad.

Adolygir unrhyw gais i optio allan ar sail amgylchiadau'r ganolfan ac unrhyw wybodaeth y bydd wedi'i rhoi ar gyfer y cais. Caiff y cais ei dderbyn/ei wrthod fel y bo angen.

D.S. Fel arfer, dim ond mewn amgylchiadau eithriadol y rhoddir caniatâd i optio allan ac i'r Tîm Cyfresi Arholiadau yn unig y dylid gofyn am ganiatâd.

Os derbynnir y cais optio allan bydd CBAC yn rhoi gwybod i'r ganolfan yn swyddogol dros e-bost ac yna'n cysylltu eto i gadarnhau cyfeiriad post y gellir anfon gwaith ato cyn gynted â phosibl.

D.S. Gall gymryd amser i gadarnhau gwybodaeth bost optio allan oherwydd gwneud trefniadau eraill gyda chymedrolwyr i'r weithdrefn safonol.

Canllawiau hanfodol ynghylch y broses e-Gyflwyno (uwchlwytho ar IAMIS) a'r gofynion pwnc

> E-Gyflwyno (uwchlwytho ar IAMIS) – Canllaw Pynciau

> Canllaw Cam wrth Gam i'r System Mewnbynnu Marciau Asesiad Mewnol (Llwybrau)

> Canllaw Cam wrth Gam i'r System Mewnbynnu Marciau Asesiad Mewnol

> Asesiad Mewnol: Canllaw i Ganolfannau