Rhowch fywyd newydd i’ch hen offer ysgol!

Wrth i chi symud o'r ysgol uwchradd i'r coleg neu brifysgol, mae'n amser perffaith i chi feddwl am ailddefnyddio ac ailgylchu eich hen wisgoedd a'ch llyfrau ysgol. Yn hytrach na gadael i'r adnoddau gwerthfawr hyn gasglu llwch, mae sawl ffordd greadigol ac effeithiol o'u hadnewyddu.  

Yn y blog hwn, byddwn yn archwilio opsiynau gwahanol i sicrhau bod eich hen wisgoedd a'ch llyfrau yn parhau i wneud gwahaniaeth, gan helpu eraill wrth gefnogi planed fwy gwyrdd. 

O roi gwerslyfrau i elusennau lleol ac ailbwrpasu gwisgoedd ysgol ar gyfer rhaglenni cymunedol, i ailgylchu defnyddiau er lles amgylcheddol, mae pob gweithred yn cyfrannu at ddyfodol mwy cynaliadwy.  

Felly os ydych chi'n defnyddio eich seibiant dros yr haf i fynd drwy eich offer o'r flwyddyn ysgol ddiwethaf ac yn ansicr beth i'w wneud gyda nhw nawr, dyma rywfaint o awgrymiadau. 

Ystyriwch sut gallwch chi eu defnyddio nhw eto. 

Ailddefnyddio i ailastudio:  

Os ydych chi'n mynd i'r coleg neu brifysgol fis Medi ac mae gennych chi lyfrau nodiadau, offer ysgrifennu ac eitemau cyffredinol heb eu defnyddio – grêt!  

Mae defnyddio eich offer ysgrifennu ysgol wrth fynd i'r brifysgol yn ffordd dda o arbed arian heb orfod cyfaddawdu o ran yr hanfodion wrth adolygu. Drwy ailbwrpasu llyfrau nodiadau, beiros, ffolderi, ac offer eraill o'r ysgol, gallwch chi osgoi'r costau o brynu eitemau newydd. 

Mae hyn nid yn unig yn ymestyn eich cyllideb ond hefyd yn hybu cynaliadwyedd drwy leihau gwastraff. Hefyd, gall meddu ar offer cyfarwydd eich helpu i ganolbwyntio a bod yn drefnus, gan ganiatáu i chi fwrw ati’n syth yn eich amgylchedd academaidd newydd heb straen costau ychwanegol.

Trosglwyddwch eich gwisgoedd a'ch llyfrau ysgol a grymuswch y dyfodol! Un eitem ar y tro! 

Os oes gennych chi hen wisgoedd, gerslyfrau neu offer ysgrifennu sydd heb eu defnyddio o gwmpas y lle, beth am roi antur newydd iddyn nhw? Eu hatgyfodi! 

Mae rhoi gwisgoedd ysgol i'ch brawd neu chwaer iau yn ffordd wych o arbed arian ac i leddfu straen y teulu. Mae'n drefniant ymarferol sy'n cadw'r gyllideb yn iach ac yn sicrhau bod pob plentyn wedi'i baratoi'n dda ar gyfer yr ysgol, mewn gweithred o haelioni.  

O ran offer hanfodol fel offer ysgrifennu a gwerslyfrau, mae llawer o ddysgwyr yn wynebu anawsterau ariannol, felly drwy roi eich eitemau sydd heb eu defnyddio neu heb eu defnyddio llawer i rywun, rydych chi'n rhoi hwb gwerthfawr! Gall eich haelioni wneud gwahaniaeth mawr – drwy sicrhau bod pob dysgwr â'r offer y mae eu hangen arnynt i ffynnu, ni waeth beth fo'u sefyllfa ariannol. 
 

Gwerthwch eich llyfrau: 

Troi tudalennau'n arian poced! 

Wrth fynd ymlaen i addysg bellach, mae rhywfaint o arian poced ychwanegol bob amser yn ddefnyddiol – gall fod at docyn bws, arian amser cinio, llyfrau newydd, neu hyd yn oed ffioedd argraffu – felly byddwch yn ddoeth a rhowch gartref newydd i'ch hen lyfrau. 

Drwy werthu eich hen lyfrau, nid yn unig ydych chi'n ennill rhywfaint o arian ychwanegol ond rydych chi hefyd yn cefnogi eich cyd-fyfyrwyr sy'n gobeithio ymestyn eu cyllideb eu hunain.  

Cyhyd â bod eich llyfrau mewn cyflwr da, gallwch chi werthu eich hen werslyfrau mewn sawl lle, ond dyma wefannau poblogaidd i'w hystyried: Amazon, Facebook Marketplace, WeBuyBooks neu eBay. 
Gwiriwch pa wefan sydd orau i chi gyda rhiant neu warcheidwad. 

Rhowch eich llyfrau at achos da! 

Trosglwyddo gwybodaeth ymlaen: Rhowch eich hen lyfrau ysgol i rywun i annog y bennod nesaf. 

Gall llyfrau ysgol nad ydynt mewn cyflwr digon da i'w gwerthu fod yn werthfawr i'r gymuned o hyd. Hyd yn oed gyda rhywfaint o dudalennau wedi'u cnoi gan y ci, neu gyda rhannau wedi'u huwcholeuo, gallai'r llyfrau hyn fod yn ffynnon o wybodaeth i bobl eraill.  

Mae canolfannau cymunedol, llyfrgelloedd lleol, a rhaglenni tiwtora yn aml yn croesawu'r rhoddion hyn, gan eu bod yn darparu adnoddau i ddysgwyr gydol oes nad ydynt â'r modd i gael gafael arnynt fel arall.  

Drwy roi ail fywyd i'r llyfrau hyn, rydych chi'n helpu i rannu gwybodaeth ac i ysbrydoli dysg lle mae ei hangen fwyaf. 

Gall rhywun arall bob amser elwa o'r llyfr a ddefnyddiwyd gennych rywdro. Ni waeth beth fo'u cyflwr, ystyriwch roi eich llyfrau i rywun. Dyma rai lleoedd gwych y gallwch chi wneud hynny: 

A oes ôl traul ar eich eitemau sy'n golygu nad ydynt yn addas i'w trosglwyddo i bobl eraill? 

Ailgylchwch lyfrau a gwisgoedd: Grymuso dysg, gwarchod y blaned, ac adeiladu dyfodol gwell. 

Gellir ailgylchu llyfrau nad oes modd eu defnyddio mwyach er mawr budd i'r amgylchedd. Pan fyddwch chi'n ailgylchu hen lyfrau neu lyfrau sydd wedi'u difrodi, rydych chi'n lleihau gwastraff ac yn cadw adnoddau drwy sicrhau bod y papur a'r defnyddiau'n cael eu hailbwrpasu yn hytrach na mynd i safle tirlenwi.  

Yn ôl y data o Raglen Gweithredu Gwastraff ac Adnoddau (WRAP), mae tua 12 miliwn o lyfrau'n mynd i safleoedd tirlenwi bob blwyddyn yn y DU. 

Mae ailgylchu'n helpu i leihau'r galw am ddeunyddiau crai, gan leihau allyriadau carbon, a chefnogi'r economi. Drwy ailgylchu llyfrau, rydych chi'n cyfrannu at blaned fwy cynaliadwy ac yn hyrwyddo arferion eco-gyfeillgar, gan hefyd roi cyfle i weddnewid hen straeon a gwybodaeth yn gynhyrchion newydd.